புதுச்சேரி வலைப்பதிவர் பயிலரங்கு 2007
புதுச்சேரி வலைப்பதிவர் பயிலரங்கிற்கு முனைவர் மு.இளங்கோவன் அழைப்பு விடுத்திருந்தார். தமிழா முகுந்தராஜும் பங்கேற்க அழைத்தார். அங்கு பேசவிருக்கும் விஷயங்கள் எனக்குத் தெரிந்தவையானாலும் அந்த நிகழ்வில் கலந்துகொள்ள ஆசை தான். இம்மாதத்தில் இரு நிகழ்வுகள்:- டிசம்பர் 9ல் புதுவையில் வலைப்பதிவர் பயிலரங்கு.
- டிசம்பர் 18-19ல் "வெப் இன்னோவேசன் 2007" என்ற கருத்தரங்கம் பெங்களூரில்.
இதில் நானும் நண்பர் கார்த்தியும் பெங்களூர் வெப் இன்னோவேசன் 2007 -ல் பங்கேற்க முடிவுசெய்ததால் புதுவை பயணத்திட்டம் கைவிடப்பட்டது. மாற்றாக எனது நண்பர்கள் சுவாமிநாதனையும் அகிலனையும் எங்கள் இயக்குனரின் ஒப்புதலைப் பெற்று அனுப்பி வைத்துவிட்டு நான் இங்கிருந்தே அவ்வப்போது நிகழ்வுகள் குறித்து அறிந்து வந்தேன். பயிலரங்கின் ஒருங்கிணைப்பாளர் திரு.இரா.சுகுமாரன் ஏற்பாடுகளை சிறப்பாகச் செய்திருப்பதாக நண்பர் சுவாமிநாதன் கூறினார். மயிலாடுதுறை நண்பர் மணிவண்ணனும் இப்பட்டறையில் பங்கேற்றார். தமிழ்வெளியில் படங்களை உடனுக்குடன் ஓசை செல்லா வெளியிட்டார்.
நல்ல வலைப்பதிவுகள் தமிழில் பெருகிட இது போன்ற நிகழ்வுகள் உறுதுணையாக இருக்குமென்பதில் ஐயமில்லை. இந்த வலைப்பதிவர் பயிலரங்கை நடத்த முயற்சி மேற்கொண்டு செம்மையாக நடத்தும் அனைத்து நல்ல உள்ளங்களையும் பாராட்டித்தான் ஆக வேண்டும்.
----------------
Now playing: Amma - New
via FoxyTunes
Labels: நிகழ்வு
0 பின்னூட்டங்கள்:
Post a Comment
<< முகப்பு